Kristinn Kristjánsson 1954-2008

Horfinn er á vit feðra sinna vinur okkar og félagi Kristinn Kristjánsson, fyrrum umsjónarmaður Drekktu betur. Kristinn var mörgum okkar innblástur í lífi og starfi, einkum þeim okkar sem fengum það tækifæri að sitja í íslenskutímum hjá honum á kennaraferli hans. Hann eyddi með okkur mörgum góðum stundum á Grand Rokk við rökræður, uppfræðslu, sem og í leik og starfi.
Hann skilur eftir sig stórt skarð í hjörtum okkar sem þekktum hann og vonum við að honum líði vel þar sem hann er nú. Við kveðjum þennan vin okkar með söknuði og sendum samúðarkveðjur til fjölskyldu hans.